Ad image

Ku punonte serbi që u kap me 4 mijë fishekë? – tregon ministri Sveçla

Kreshnik Llabjani
Kreshnik Llabjani 14:09 -09/06/2022

Në një aksion të zhvilluar sot nga njësitet e Policisë së Kosovës është prangosur një serb, tek i cili janë gjetur 4 mijë fishekë.

Arrestimi i këtij serbi është bërë në pikën kufitare në Jarinje.

Por, kush është ky person që u kap me gjithë këtë municion dhe ku punon ai, tregon ministri i   Punëve të Brendshme të Kosovës, Xhelal Sveçla.

“Në pikën kufitare në Jarinje, Policia e Republikës së Kosovës ndaloi një të dyshuar me shtetësi serbe, punëtor i integruar nga strukturat paralele në Ministrinë e Mjedisit, Planifikimit Hapësinor dhe të Infrastrukturës”, bëri të ditur ministri Sfeçla.

Ai arrestimin e personit dhe konfiskimin e gjithë këtij municioni e ka quajtur si një aksion tjetër shumë të suksesshëm e të rëndësishëm që është zhvilluar në kuadër të aktiviteteve tjera për forcimin e sovranitetit të vendit tonë.

“4 mijë fishekë i konfiskuam. Pra, edhe një aksion tjetër shumë i suksesshëm e i rëndësishëm për forcimin e sovranitetit të vendit tonë. Përgëzime Policisë së vendit tonë për punën e madhe dhe për profesionalizmin e tyre të lartë”, ka deklaruar ministri.

Bëhet e ditur se dyshuari është dërguar në mbajtje për 48 orë dhe ndaj tij do të merren masat sipas dispozitave ligjore të Republikës së Kosovës./Kosovanews/

Shpërndaje