Mijëra njerëz kanë humbur tashmë shtëpitë e tyre dhe uji i pijshëm u rrezikua për “mijëra të tjerë” për shkak të shkatërrimit të digës në Ukrainë, sipas shefit të Kombeve të Bashkuara, Antonio Guterres.
Organizata ndërkombëtare nuk ka ndonjë informacion të pavarur se si shpërtheu diga, tha sot Guterres, por ai e quajti atë një “katastrofë monumentale humanitare, ekonomike dhe ekologjike”, shkruan Skynews, përcjell Klankosova.tv
“Sulmet kundër civilëve dhe infrastrukturës kritike civile duhet të ndalen. Ne duhet të veprojmë për të garantuar llogaridhënien dhe respektimin e ligjit ndërkombëtar humanitar”, u tha Guterres gazetarëve.
OKB-ja po koordinohet me qeverinë ukrainase të dërgojë ujë të pijshëm dhe tableta për pastrimin e ujit, shtoi ai.
