Palestra “1 Tetori” në Prishtinë është përgatitur për të mirëpritur Kampionatin Evropian të eSports, një ngjarje e rëndësishme në kalendarin sportiv të kontinentit, që zhvillohet nga data 9 deri më 13 korrik 2025.
Përfaqësuesja e Kosovës do të marrë pjesë në dy nga disiplinat më të njohura të sporteve elektronike, CS2 dhe DOTA 2, ndërsa pritet të përballet me disa nga kombëtaret më të forta evropiane.
Ekipi i Kosovës e nis rrugëtimin garues në ditën e parë të kampionatit.
Pjesëmarrja e Kosovës në këtë kampionat është një mundësi për afirmimin e talenteve vendore dhe për prezantimin e vendit në arenën ndërkombëtare të eSports.
Publiku është i ftuar të ndjekë nga afër ndeshjet dhe të përkrahë ekipin përfaqësues.
Organizatorët njoftojnë se orari i ndeshjeve për ditët në vijim do të publikohet së shpejti.
