Një autobus është djegur në rrugën Prishtinë – Podujevë. Lidhur me këtë rast është deklaruar Policia e Kosovës.
Zëdhënësja e Policisë, Flora Ahmeti bëri të ditur se nuk raportohet për persona të lënduar.
Policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.
“Sot rreth orës 16:30, është raportuar se në rrugën Prishtinë -Podujevë, një autobus është përfshirë nga zjarri, i cili është dëmtuar tërësërisht. Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin. Nuk raportohet për persona të lënduar. Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, theksoi Ahmeti.
