Policia e Kosovës ka njoftuar se dy shtetas të Serbisë janë arrestuar në Kosovë pasi dyshohet se kanë tentuar ta kalojnë ilegalisht kufirin.
Sipas njoftimit, gjatë kontrollit të tyre është vërtetuar se të njëjtit kanë tentuar të bëjnë kalim ilegal të vendkalimit kufitar nga Kosova në drejtim të Serbisë, dhe po ashtu është realizuar një kontroll te personat e lartcekur dhe në kamionin e tyre janë gjetur rreth 257 pako me rreth 90.000 kokrra vezë për të cilat të dyshuarit nuk posedonin dokumente përkatëse.
Lidhur me rastin automjeti është dërguar në terminalin doganor në Mitrovicë Jug, ndërsa pas intervistimit, me urdhër të prokurorit, të dyshuarit janë liruar në procedurë të rregullt.
