KosovaNews, para pak orësh ekskluzivisht raportoi për arrestimin e drejtorit të Kulturës, Rinisë dhe Sportit në Komunën e Mitrovicës së Jugut, Fahri Jashari pasi i njejti dyshohet se falsifikoi një kontratë ku u përvetësuan mijëra euro.
Me urdhër të prokurorit, tashmë Fahri Jashari është dërguar në paraburgim prej 48 orësh.
Kjo tashmë është konfirmuar edhe Policia e Kosovës.
Përmes një njoftimi zyrtar Policia e Kosovës ka konfirmuar arrestimin e një personi për veprat penale “Keqpërdorim i pozitës apo autoritetit zyrtar” dhe “Falsifikim i dokumentit zyrtar”, në bazë të veprimeve hetimore të Drejtorisë për Hetimin e Krimeve Ekonomike dhe Korrupsionit.
Sipas njoftimit, hetimet filluan pas pranimit të një informate lidhur me dyshimet për keqpërdorim të pozitës zyrtare në Komunën e Mitrovicës së Jugut. Gjatë procedurave, policia siguroi prova që lidhen me një kontratë subvencionimi, ku dyshohet se është ndërhyrë në vlerën e saj në mënyrë të kundërligjshme, duke shkaktuar dëm buxhetit publik.
Ndërkohë është bërë e ditur se personi i dyshuar u intervistua në prezencë të avokatit mbrojtës dhe, pas konsultimit me prokurorin kompetent, ndaj tij u cakua masa e ndalimit policor prej 48 orësh.
Njoftimi i plotë i Policisë së Kosovës:
Arrestohet një person për vepër penale "Keqpërdorim i pozitës apo autoritetit zyrtar" dhe “Falsifikim i dokumentit…
Posted by Kosovo Police on Monday, September 8, 2025
Nga ana tjetër, kujtojmë se gjatë ditës së sotme u publikua një vendim i firmosur më 5 shtator nga kryetari i komunës, Bedri Hamza, i cili ka shkarkuar drejtorin e Kulturës, Rinisë dhe Sportit, Fahri Jashari, për dyshime të rënda të keqpërdorimit të pozitës zyrtare.
Në arsyet e shkarkimit thuhet se: Shkarkimi i drejtorit të drejtorisë bëhet për faktin se ndaj tij ekziston dyshimi i bazuar për pozitës zyrtare, përmes veprimeve që bien ndesh me parimet e keqpërdorimit, ligjshmërisë, paanshmërisë dhe integritetit të administratës publike./KosovaNews/
Lexo po ashtu:
