Prokuroria Themelore në Prishtinë, bashkë me Policinë e Kosovës, pas hetime disa mujore, në lidhje me rastin e koduar “Bregdeti” me 21 janar 2026 rreth orës 23:00, pranë pikëkalimit kufitar në Merdare e kanë ndaluar të dyshuarit H.S që po drejtonte një kamion me targa vendore.
Gjatë kontrollit, janë gjetur të fshehura 68 paketime me substancë narkotike të llojit marihuanë, me peshë 76 kiliogramë e 800 gramë.
Gjithashtu, ata kanë realizuar edhe urdhër kontrolli i shtëpisë së të dyshuarit, dhe kanë gjetur:
- 1 (një) armë zjarri me 5 fishekë të kalibrit 9.9 mm,
- 2 (dy) vetura,
- 1 (një) kamion,
- 1 (një) telefon celular,
- para të gatshme 2950 (dy mijë e nëntëqind e pesëdhjetë) euro.
Operacioni ka vazhduar edhe më 22 janar 2026, dhe ka realizuar bastisj edhe në dy lokacione, shtëpitë e dy të dyshuarve meshkuj kosovarë në fshatin Godishnjak të Podujevës, dhe gjatë kontrollit kanë gjetur:
- 4 paketime të mbushura me substancë të dyshuar narkotike të llojit marihuanë me peshë 4 kilogramë e 454 gramë (katër kilogramë e 454 gramë)
- 2 vetura
- 2 telefona celularë
- thasë najloni të zbrazur ngjyrë të zezë dhe ngjitës, që kanë shërbyer për paketimin narkotikëve.
Po ashtu është gjetur një armë zjarri me gaz e modelit Signasauser.
“Me urdhër të prokurorit të shtetit ndaj tre të dyshuarve është lëshuar aktvendimi për ndalimin prej 48 orëve, ndërkaq prokurori i shtetit me kohë do të ndërmarr të gjitha veprimet e mëtutjeshme hetimore. Prokurori i shtetit dhe Policia e Kosovës, mbeten të përkushtuara në ndërmarrjen e veprimeve të nevojshme me qëllim ndriçimit të veprave penale dhe vendosjen e kryerësve të tyre para organeve kompetente, me qëllim të sigurimit të një mjedisi sa më të sigurtë për qytetarët e Republikës së Kosovës”, ka njoftuar Prokuroria. /Lajmi.net/
