Hekruan Murati, ministër në detyrë i Financave, ka reaguar pas seancës së parë të Kuvendit, në të cilën rendi i ditës përfshinte planin e rritjes së BE-së në vlerë 880 milionë euro dhe tri marrëveshje me Bankën Botërore mbi 120 milionë euro, duke arritur mbi 1 miliard euro gjithsej.
Murati ka theksuar në postimin e tij në Facebook se këto marrëveshje ishin projektligje të sponsorizuara nga Presidentja dhe nuk kishte arsye legjitime që të mos votoheshin.
Ai është shprehur se, për shkak të mungesës së opozitës në seancë, rrezikohet humbja e mbi 200 milionë eurove për shkak të vonesave.
