Gjatë pasditës së sotme Policia e Kosovës ka mbyllur komunën paralale për Skënderaj në veri.
Lidhur më këtë aksion Policia e Kosovës përmes një njoftimi për media ka dhënë detaje lidhur me aksionin.
‘’Sot, më datën 16.10.2024, zyrtarët policorë gjatë patrullimit në afërsi të objektit të policisë në DRP-Mitrovicë Veri, kanë vërejtur persona të panjohur të cilët po frekuentonin një zyre, ku gjatë verifikimit të personit përgjegjës është identifikuar se kjo zyre vepron si pjesë e strukturave ilegale dhe është përgjegjëse për komunën e Skenderajit’’, thuhet fillimisht në komunikatën e PK-së.
Më tutje është bërë e ditur se lidhur më këtë është kontaktuar prokurori kompetent, i cili ka urdhëruar që provat materiale që gjenden në këtë zyre të sekuestrohen dhe zyra të mbyllet, ndërsa personat përgjegjës të intervistohen.
