Policia e Shtetit shqiptar njofton se Asambleja e Dytë e SEPCA-s, e cila u mbajt në Vlorë, nën presidencën e saj, ka përfunduar punimet. Gjatë takimit u riafirmua angazhimi i përbashkët për forcimin e bashkëpunimit rajonal dhe luftën kundër krimit të organizuar.
Policia e Shtetit garantoi vazhdimësinë e kontributit të saj aktiv në SEPCA edhe pas përfundimit të presidencës, duke theksuar rëndësinë e anëtarësisë së plotë të Policisë së Kosovës në këtë platformë bashkëpunimi.
Në mbyllje të punimeve, presidenca e SEPCA-s iu dorëzua Federatës së Bosnjës dhe Hercegovinës, duke nënvizuar nevojën për bashkëpunim të vazhdueshëm rajonal në luftën kundër krimit të organizuar.
