Edon Zhegrova mund të largohet nga Lille në fund të sezonit.
Kosovari, ditë më parë kishte konfirmuar se nuk do të vazhdonte kontratën me Lille, duke shtuar mundësinë e largimit të tij.
Sipas “Tutto Juve”, Lille i kërkon hiç më pak se 40 milionë euro për kartonin e Zhegrovës.
Por, duke e pasur parasysh se anësorit ofanziv do t’i skadojë kontrata pas një viti, ky çmim mund të zbresë gjatë verës që vjen.
Interesim për Zhegrovën ka shfaqur edhe Napoli në Itali, i cili synonte ta bënte të vetin lojtarin qysh në janar, por që ky transferim dështoi në fund.
Zhegrova, i cili së fundmi u rikthye nga lëndimi, i ka zhvilluar 21 ndeshje në të gjitha garat me Lillen duke i shënuar 8 gola, ndërsa i ka bërë edhe 2 asistime.
