Kryeministri i Holandës, Mark Rutte është larguar përfundimisht nga politika.
Në deklaratën e tij para debatit për rënien e kabinetit të tij të katërt, ai tha se nuk do të jetë më kryetar i VVD-së. Ai dëshiron të qëndrojë si kryeministër në largim për momentin.
“Ka pasur spekulime në ditët e fundit se çfarë do të më motivonte. Përgjigja e vetme është: Holanda,” tha Rutte. “Pozicioni im është plotësisht në varësi të kësaj. Të dielën kam vendosur që të mos jem në dispozicion si udhëheqës i VVD-së në zgjedhjet e ardhshme.”
Pas deklaratës së tij, Rutte foli për shtypin dhe tha se kishte “ndjenja të përziera”. “Kjo nuk është krejtësisht pa emocione”, tha kryeministri në largim. “Por është gjithashtu ndjesi mirë të kalosh stafetën”. Rutte ka qenë Kryeministër i Holandës për gati 13 vjet dhe lider politik i VVD për 17 vjet.
Debati do të nisë diku pas orës 11:00, i cili do të jetë se pse ra kabineti. Do të diskutohet gjithashtu se si do të veprohet në të ardhmen e afërt.
Kabineti ra të premten në mbrëmje për politikën e migracionit. Pas muajsh diskutimesh për masat për të kufizuar fluksin e azilkërkuesve, katër partitë e koalicionit arritën në përfundimin se nuk do të arrinin dot një marrëveshje së bashku.
Sidomos VVD e Rutte dhe partia më e vogël qeveritare ChristenUnie ishin diametralisht të kundërta me njëra-tjetrën.
