Ministri i Punëve të Brendshme, Xhelal Sveçla, e ka pritur sot në takim zëvendësdrejtorin e Policisë së Italisë, Vittorio Rizzi dhe delegacionin e tij, me ç’rast është theksuar gatishmëriua për rritje të bashkëpunimit në fushën e sigurisë.
Në këtë takim siç thuhet në një njoftim për media, ministri Sveçla e njoftoi italianin për përkushtimin dhe angazhimet e ministrisë në luftën kundër krimit dhe korrupsionit, trafiqeve të ndryshme dhe kontrabandës, reformën në Ministri dhe në agjencitë e saj ekzekutive.
Gjithashtu gjatë këtij takimi ministri Sveçla e falënderoi Rizzi për mbështetjen e vazhdueshme të Italisë ndaj Republikës së Kosovës e në veçanti bashkëpunimin mes dy policive tona.
Kurse zëvendësdrejtori i Policisë së Italisë, Vittorio Rizzi theksoi se shteti i tij është i interesuar që të avancojë tutje bashkëpunimin mes Policisë së Italisë dhe Policisë së Kosovës dhe të koordinojë veprime të përbashkëta, me theks të veçantë tek ndërtimi i kapaciteteve në fushën e sigurisë mes dy vendeve.
Në fund të takimi thuhet se të dy palët u dakorduan në intensifikimin e bashkëpunimit të mëtutjeshëm të policive tona, veçanërisht në fushat të cilat kërkojnë bashkëpunim ndërkombëtar për ofrimin e sigurisë në rajon dhe më gjerë./KosovaNews/
https://www.facebook.com/RKS.MPB/posts/pfbid02vby76KJxfStfeNDGwkX2bnGbwbx8DxvEMu3ecMjjPV1unkKzxiVNebmsVdKXn8kul