Kryetari i Kuvendit të Kosovës, Glauk Konjufca ka bërë sot homazhe për nder të rënies së dëshmorëve Xhevë dhe Fehmi Lladrovci.
Në fjalën e tij, Konufca ka thënë se Fehmiu e Xheva janë çifti simbol i rezistencës dhe luftës për liri dhe me veprimtarinë e heriozimin e tyre ata u bënë frymëzim për luftën e UÇK-së.
“Çifti simbol i rezistencës dhe luftës për liri ranë së bashku me shumë luftëtarë të tjerë më 22 shtator të vitit 1998 në qëndresën legjendare në Qyqavicë. Ata u bënë frymëzim për luftën qëndrestare e heroike të UÇK-së. Brigada 114 e UÇK-së, që drejtohej nga Fehmi Lladrovci, mori një emblemë shtesë, emblemën e komandantit të saj:, ka thënë kryekuvendari.
Tutje Konjufca tha se aktiviteti i Xhevë dhe Fehmi Lladrovcit para e gjatë luftës për liri ashtu si dhe rënia e tyre në front, shënon idealet më të larta të popullit shqiptar në Kosovë.
“Rrëfimi për jetën dhe vdekjen e tyre është një epos lirie. Mirënjohje përjetë, lavdi dëshmorëve të kombit, lavdi Xhevë e Fehmi Lladrovcit!”.
Çifti Fehmi e Xhevë Lladrovci, ishin ndër figurat më emblematike të organizimit dhe luftës për liri në Kosovë, të cilët ranë më 22 shtator të vitit 1998, në një betejë të vështirë e të pabarabartë me forcat serbe, pas një qëndrese heroike të Fehmiut, Xhevës dhe luftëtarëve tjerë të UÇK-së në fortesat e ngritura në Çiçavicë.
Bashkë me ta ra edhe studentja, Fatime Hetemi dhe shumë dëshmorë të tjerë.
Fehmi Lladrovci ishte komandant i Brigadës 114 të UÇK-së, emrin e të cilit do ta mbajë më vonë pas rënies së tij kjo brigadë.
