Komuna e Drenasit ka shpallur konkurs për ndarjen e 200 bursave për studentët e kësaj komune që studiojnë në universitetet publike të Kosovës për vitin akademik 2022/2023.
Të drejtë aplikimi për përfitimin e bursës komunale, kanë vetëm studentët e rregullt të nivelit baçelor në të gjitha fakultetet ose drejtimet e studimit, ku lartësia e bursës komunale për një student është 500 euro.
Kriteret për konkurrim janë:
- Të jetë banor i Komunës së Drenasit,
- Të jetë student i rregullt në vitin akademik 2022-2023 në ndonjërin nga universitetet publike të Kosovës ( viti I deri në vitin VI të studimeve),
- Të jetë student i nivelit baçelor,
- Të mos ketë përsëritur (humbur) vitin akademik,
- Të mos jetë në marrëdhënie pune me pagesë me orar të plotë,
- Të mos jetë përfitues i bursave tjera për vitin përkatës akademik,
Konkursi është i hapur prej datës 13 tetor deri më 27 tetor 2022, kurse përfituesit e bursave do të informohen pas përzgjedhjes finale.
Kujtojmë që Komuna e Drenasit, vitin e kaluar ka ndarë 146 bursa për studentët.
Për më shumë detaje rreth konkursit dhe formularit për plotësim, klikoni në këtë link:
https://kk.rks-gov.net/gllogoc/wp-content/uploads/sites/10/2022/10/DOC-45.pdf
