Këshilli i Ambasadorëve Shqiptarë ka reaguar lidhur me situatën në Veri të Kosovës.
Në një deklaratë për mediat, KASH ka shprehur shqetësimin lidhur me sigurinë në komunat me shumicë serbe në veri të Kosovës dhe i bën thirrje faktorit ndërkombëtar të ruajë neutralitetin dhe të mbështesë Kosovën që të vendosë sundimin e ligjit dhe të kushtetutës në të gjithë territorin e saj, si dhe të dënojë e veprimet dhe provokimet nacionaliste të botës serbe.
KASH thekson se Kosova është shtet sovran dhe integriteti i saj territorial është i pacënueshëm, ku zbatimi i ligjit dhe funksionimi i institucioneve demokratike e ka shndrruar në një shembull demokracie për të gjithë rajonin.
