Skuadra e Interit është fituese e Kupës së Italisë për sezonin 2022/2023.
Në ndeshjen finale e cila u zhvillua në ”Stadio Olimpico”, zikaltërit mposhtën Fiorentinën me rezultat 2-1.
Fiorentina e nisi shumë mirë ndeshjen duke kaluar e para në epërsi qysh në minutën e 3-të me golin e Nicolas Gonzalez.
Interi arriti ta përmbyste rezultatn qysh në pjesën e parë, ku heroi i tyre ishte Lautaro Martinez, duke shënuar dy gola brenda tetë minutave (29′ dhe 37′).
Deri në fund rezultati mbeti i pandryshuar dhe Interi arriti të fitonte Kupën e Italisë për herë të nëntë, duke u barazuar me Romën.
