Kryetari i AAK-së, Ramush Haradinaj, ka reaguar ndaj Qeverisë Kurti përmes një postimi në facebook, ku akuzon drejtuesit aktualë për lidhje me “mafian energjetike” dhe për sjellje të qëllimshme që po dëmtojnë ekonominë e vendit.
Haradinaj u shprehë se zaptuesi i zyrës së Kryeministrit së bashku me vartësit e tij, i la bizneset e Kosovës në mëshirë të mafias energjetike.
“Zaptuesi i Zyrës së Kryeministrit së bashku me vartësit e tij, i la bizneset e Kosovës në mëshirë të mafias energjetike, në mënyrë arbitrare dhe me qëllim të qartë tashmë – çmontimin e Kosovës duke ua trashur xhepat të dëgjueshmëve të tij”, shkruan Haradinaj.
Ai paralajmëron se këto veprime nuk do të kalojnë pa pasoja ligjore.
“Ky veprim shkatërrues nuk do të kalojë pa përgjegjësi. Rrethi po ju ngushtohet çdo ditë, dhe ky fund nuk do të jetë i mirë për ta, pashmangshëm do të përballen me ligjin.
Kosova ka me u liru nga këta gangsterë me agjenda të dyshimta”, ka shkruar Haradinaj
