Skuadra e Milanit po kërkon të forcojë repartin e mbrojtjes, aty ku trajneri Massimiliano Allegri ka aktualisht numra të kufizuar.
Sipas “Corriere dello Sport”, në listën e kuqezinjve është rikthyer emri i Caleb Okoli, 23-vjeçarit të Leicester City, i vlerësuar nga 10 deri në 15 milionë euro.
Megjithatë, drejtuesit e klubit milanez po shqyrtojnë edhe opsione të tjera me më shumë eksperiencë. Në ‘radarin’ e tyre mbeten Kim Min-jae i Bayern Munich, Andreas Christensen i Barcelonës dhe Jakub Kiëior i Arsenalit.
Një alternativë konkrete dhe më e përballueshme vjen nga Serie A, Berat Gjimshiti. Kapiteni i Kombëtares shqiptare, i cili ka edhe një vit kontratë me Atalantën, është vlerësuar rreth 6 milionë euro. Duke qenë se rinovimi i tij ende nuk është konfirmuar, bergamaskët mund të binden të negociojnë edhe për një shifër më të ulët.
Përvoja e gjatë e Gjimshitit në kampionatin italian dhe aftësia e tij për t’u përshtatur në një mbrojtje me tre e bëjnë atë një opsion serioz për Milanin në afatin kalimtar të kësaj verë.
