Edhe mëngjesi e paraditja e sotme në disa prej pikë kalimeve kufitare të vendit, sidomos në dalje, është më i ngarkuar dhe janë shkaktuar kolona e pritje më të gjata.
Në dalje të pikës kufitare të Merdarit, qytetarët po presin deri në 3 orë, ndërsa kolona e krijuar është rreth 1400 metra.
Po në këtë pikë kufitare pritjet për hyrje janë fare të shkurta dhe nuk zgjasin më shumë se 5 minuta, ndërsa kolona është deri maksimum në 180 metra.
Sipas Qendrës për Menaxhim Kufitar të Ministrisë së Punëve të Brendshme, pritje më të gjata në dalje ka edhe te Dheu i Bardhë.
Në këtë pikë kufitare pritjet për dalje janë prej 40 minuta, ndërsa kolona e automjeteve ka arritur në 350 metra.
Sa i përket pikave tjera kufitare, fluksi i hyrje-daljeve është më i vogël. Kryesisht hyrja është 3 deri në maksimum 10 minuta, ndërsa dalja është 3 deri në 15 minuta./KosovasNews/
