Në selinë e Kombeve të Bashkuara po mbahet Konferenca Ndërkombëtare e Nivelit të Lartë për “Zgjidhjen e Çështjes Palestinase dhe Zbatimin e Zgjidhjes me Dy Shtete”, transmeton KosovaNews.
Gjatë fjalës së tij në konferencë, Presidenti i Francës, Emmanuel Macron, njoftoi se Franca ka vendosur të njohë shtetin e Palestinës. Ai theksoi se nuk mund të presin më për këtë hap dhe shtoi: “Të gjithë e kemi ndjekur këtë çështje me historinë tonë. Franca sot njeh shtetin e Palestinës. E vërteta është se të gjithë kemi një përgjegjësi. Më 7 tetor pamë sulmin më të keq terrorist në historinë e popullit izraelit.”
Macron gjithashtu përmendi situatën në Gaza, ku mijëra njerëz janë të zhvendosur, dhe shtoi: “Edhe pse Hamas është dobësuar, njerëzit vazhdojnë të vdesin. Duhet të vendosim armëpushim për të shpëtuar jetët. Ka kaluar pothuajse dy vjet. Duhet të mbrojmë zgjidhjen me dy shtete për Palestinën. Koha ka ardhur.”
Para Francës, shtetet si Kanadaja, Australia, Mbretëria e Bashkuar dhe Portugalia gjithashtu kanë njoftuar njohjen e shtetit palestinez. Që nga shpallja e pavarësisë nga Yasir Arafat në vitin 1988, numri i vendeve që e njohin Palestinën është rritur në 152 nga 193 vendet anëtare të OKB-së. Edhe Vatikani, që nuk është anëtar i OKB-së, e njeh shtetin palestinez.
Reagimi i Izraelit
Përfaqësuesi i përhershëm i Izraelit në OKB, Danny Danon, kritikoi ashpër vendimin e Francës. Ai iu drejtua Macron-it: “Më 8 tetor ishit pranë Izraelit, përmendët pengjet. Sot i lini pas. Nuk do ta harrojmë që ky luftë nuk do të mbarojë derisa pengjet të jenë ende në Gaza.”
