Forcat ajrore të Mbretërisë së Bashkuar dhe të Francës kanë kryer një operacion të përbashkët në Siri, gjatë të cilit është shkatërruar një bunker i madh nëntokësor që përdorej nga grupi terrorist ISIS për grumbullimin dhe ruajtjen e armëve.
Ministria e Mbrojtjes e Mbretërisë së Bashkuar njoftoi se avionët britanikë, së bashku me ata francezë, kanë goditur këtë objekt, i cili ndodhej në veri të qytetit të Palmyras. Sipas njoftimeve, gjatë sulmit u shkatërruan bunkeri dhe disa tunele, dhe nuk ka të dhëna për civilë të lënduar.
Edhe pse ISIS nuk kontrollon më territore të mëdha dhe nuk kryen sulme të mëdha, grupi mbetet aktiv në Siri dhe Irak, me rreth 5,000 deri në 7,000 luftëtarë. Gjatë muajve të fundit janë raportuar përpjekje për ri-konsolidim dhe ri-armatim, si dhe kryerjen e sulmeve të profilit të ulët.
Muajin e kaluar, aviacioni amerikan ka kryer një sulm të madh kundër caqeve të ISIS pas vrasjes së dy ushtarëve amerikanë dhe një përkthyesi civil gjatë një pritë pranë Palmyras.
