Një grua ka vdekur të martën e 23 gushtit, për shkak të dyshimit për trajtim të pandërgjegjshëm mjekësor, thuhej në raportin e PK-së.
Familjari, Baki Shala, nga fshati Ngucat i komunës së Malishevës, në një prononcim për RTV Dukagjinin, ka thënë se janë të tronditur nga ngjarja që ka ndodhur dhe se nuk janë në gjendje, sidomos bashkëshorti i viktimës, të prononcojnë.
“Me të thënë të drejtën, as s’kena ngu lajme, se mo jena kanë të shokum, s’kena ngu lajm as sen mo prej pram. Asnjo s’jena kanë në gjendje të bojmë diçka. Qaty e ka burrin, s’o në gjendje me thonë as dy fjalë, s’o në gjendje se ka hup për momentin. E ka marrë n’qafë.” është shprehur Shala.
Ai ka rrëfyer detajet se si ka ndodhur ngjarja, që sipas djalit të vëllait të Baki Shalës, gruaja ka shkuar direkt në klinikën private për një infuzion të fëmijës, e pastaj ka pasur dhimbje të dhëmbit dhe ka pyetur se a mundet ta trajtojë aty.
“Direkt ka shku, direkt. Një infuzion e paska marrë djali, e kanë pas edhe një fëmijë, e kanë pas, të vetin. Diçka pak pa qef djali. E ka marrë infuzionin. Dhe ka thanë hajt masi koka, të kryj këtu. Edhe e vet, edhe dy ditë e kemi me ecë. Ja ta kry punën. Qysh thotë djali i vëllait. Ta kryj punën. Si ia ka dhënë gjilpanën, aty për aty e ka helmu. Tash ishalla drejtësia shkon në vend, hetuesia e çon punën e vet në vend. S’kem çka me ba. Ka marrë n’qafë fëmijët, më të madhin e ka 10 vjeç, më të voglin 5 vjeç”.
