Komisioni i Garave i Federatës së Futbollit të Kosovës ka inicuar procedurë disiplinore ndaj Ferizajt për ndeshjen kundër Malishevës.
Sipas njoftimit, tifozët e Ferizajt kanë hedhur disa shishe në drejtim të gjyqtarit kryesor të ndeshjes.
“Inicim disiplinor ndaj: KF ”Ferizaj”. Motivi: Më të filluar pjesa e dytë e ndeshjes, simpatizuesit vendas kanë hedhur disa shishe PVC në drejtim të referit kryesor të ndeshjes. Sipas raportit të delegatit të ndeshjes Ferizaj-Malisheva” – thuhet në njoftimin e lëshuar nga uebfaqja e FFK-së.
Ferizaj pësoi disfatë 1:2 nga Malisheva në shtëpi fundjavën që lamë pas, në kuadër të javës së 30-të në Superligën e Kosovës.
Pas 30 xhirove të zhvilluara, Ferizaj zë vendin e nëntë me 31 pikë të grumbulluara dhe është në garë për të siguruar mbijetesën në elitën e futbollit kosovar.
