Policia e Kosovës, konkretisht Drejtoria Rajonale për Hetimin e Krimeve Ekonomike dhe Korrupsionit, në bashkëpunim me Prokurorinë Themelore në Gjakovë, ka arrestuar sot katër zyrtarë dhe ish-zyrtarë komunalë nën dyshimin për keqpërdorim të detyrës zyrtare.
Sipas burimeve të KosovaNews , të arrestuarit janë disa drejtorë dhe ish-drejtorë të Komunës së Gjakovës, si dhe zyrtarë ligjorë të kësaj komune.
Ata dyshohen se gjatë viteve 2018 dhe 2019 kanë keqpërdorur detyrën zyrtare duke lëshuar në mënyrë të kundërligjshme pëlqime dhe vendime për prona shoqërore dhe rrugë publike. Dëmi i shkaktuar, sipas hetimeve paraprake, dyshohet të jetë në vlerë afër 1 milion euro.
KosovaNews pas pak do të sjellë më shumë detaje për rastin..
