Njësiti për Reagim të Shpejtë i Policisë së Kosovës ka arrestuar dy persona në Gjilan, pasi ata janë zënë me një sasi të substancave narkotike dhe psikotropike.
Në një njoftim për media thuhet se dje në mbrëmje, përderisa policët kanë qenë duke patrulluar në lagjen “Arbëria”, kanë takuar një motoçikletë (skuter) pa targa ku me t’i vërejtur policinë i dyshuari B. M. i njohur për policinë e hedh në tokë një çantë krahu e lenë motoçikletën dhe arrin të largohet në drejtim të pa njohur.
Tutje theksohet se në atë kohë afër rrugës ka qenë e parkuar edhe një veturë Golf VI me targa vendore, në të cilën kanë qenë dy persona të dyshimtë M. H.(1993) dhe L. S. (1996).
“Janë thirrë hetuesit e njësitit antidrogë Drejtoria për Hetimin e Trafikimit me Narkotik që veprojnë në Gjilan të cilët kanë filluar të merren me rastin, është bërë edhe matja e dëshmive të gjetura: 0.8 gram cigare e mbështjellë (gjoint), një qese me 34.1 gram e dyshuar si mariuhanë, kurse brenda çantës së hedhur në tokë nga i dyshuari B.M.(1994) janë gjetur 16 paketime me peshë të përgjithshme prej 29.1 gram”, thuhet në njoftim.
Policia e Koosvën bëri të ditur se janë bërë testet fushore dhe ka rezultuar pozitiv të llojit marihuanë, substanca narkotike është konfiskuar si provë materiale për gjykatë, ndërsa vetura “Golf 6” me targa vendore dhe “Skuteri” pa targa janë tërhequr nga ana e policisë në Gjilan.
Prokurori i shtetit ka urdhëruar që i dyshuari B.M, i cili është në arrati të arrestohet, gjersa i dyshuari M. H (1993) pas intervistimit të ndalohet për 48 orë dhe të iniciohet rasti sipas Nenit 267, ndërsa i dyshuari L. S. (1996) pas intervistimit, lirohet në procedurë të rregullt.
Ky rast është proceduar në Prokurorinë Themelore, departamentin për Krime të Rënda në Gjilan./Kosovanews/
