Drejtori i ri i Policisë Gazmend Hoxha, i cili postin e mori para dy ditëve, ka filluar një seri takimesh, shkruan KosovaNews.
Kësaj here Hoxha u takua me ushtruesin e detyres së kryeprokurorit të shtetit Besim Kelmendi.
Policia e Kosovës bën të ditur se takimi rezultoi me zotimin e avancimit të më tejmë të bashkëpunimit në fushën e drejtësisë, përkatësisht të sigurisë.
Theksojmë se Hoxha në zyrën e tij në Drejtorinë e Përgjithshme të Policisë në Prishtinë, ka zhvilluar edhe një takim zyrtar me këshilltarin e lartë dhe këshilltaren vendore, në kuadër të programit të ICITAP-it, Departamenti i Drejtësisë së ShBA-së, Timothy Altomare dhe Leonora Berkani.
Njoftimi i Policisë:
Drejtori i Përgjithshëm i Policisë së Kosovës, z. Gazmend HOXHA, realizoi takimin e radhës me z. Besim KELMENDI ushtrues detyre i Kryeprokurorit të Shtetit
Prishtinë, 10 mars 2023
Drejtori i Përgjithshëm i PK-së, z. Gazmend Hoxha, në vazhdën e takimeve zyrtare, ka realizuar takimin e radhës me z. Besim Kelmendi ushtruesin e detyrës së Kryeprokurorit të Shtetit. Drejtori Hoxha, falënderoi z. Kelmendi për vizitën dhe bashkëpunimin ndër institucional, përderisa, kurse ky i fundi i uroi z. Hoxha zgjedhjen në postin e ri të Drejtorit të Përgjithshëm i PK-së.
Takimi rezultoi me zotimin e avancimit të më tejmë të bashkëpunimit në fushën e drejtësisë, përkatësisht të sigurisë.
