Ministri i Mbrojtjes, Ejup Maqedocni bëri të ditur se në kuadër të shkollimit të nënoficerëve, sot diplomoi edhe “Gjenerata 11-2023” e liderëve të rinj ushtarak.
Në një postim në Facebook, Maqedonci tha se FSK-ja po vazhdon hapat e saj drejt zhvillimit dhe ngritjes së kapaciteteve të përgjithshme ushtarake sipas standardeve të vendeve anëtare të NATO-së
“Në Komandën e Doktrinës dhe Stërvitjes në kuadër të shkollimit të nënoficerëve, sot diplomuan “Gjenerata 11-2023”e liderëve të rinj. Për shtatë javë edukim, stërvitje, sfidë, kalitje dhe testime individuale e ekipore, sot u përmbyll me sukses “Kursi i Avancuar për Lider”, gjenerata 11-2023. FSK po vazhdon hapat e saj drejt zhvillimit dhe ngritjes së kapaciteteve të përgjithshme ushtarake sipas standardeve të vendeve anëtare të NATO-së”, ka shkruar Maqedonci.
