Edhe dita e dytë e dëshmisë së dëshmitarit të dytë në rastin ndaj ish-krerëve të Ushtrisë Çlirimtare të Kosovës ka nisur me seancë të mbyllur.
Me të nisur seanca, Prokuroria ka kërkuar që të mbyllet seanca gjatë marrjes në pyetje të dëshmitarit.
Në këtë seancë, në të cilën do të dëgjohet dëshmitari i dytë, anëtar i LDK-së, të hënën dha deklaratën solemne.
Sot do të vazhdojë dëgjimi i tij si dëshmitar i Zyrës së Prokurorit të Specializuar në Gjykatën Speciale në rastin e Hashim Thaçit, Kadri Veselit, Rexhep Selimit dhe Jakup Krasniqi.
Një ditë më parë (të hënën) e përfundoi dëshminë dëshmitarja e parë, ndërsa nisi i dyti, që fillimisht u intervistua nga ZPS-ja.
Prokuroria i ka kërkuar 7 orë kohë për intervistimin e dëshmitarit, mbrojtja e viktimave 15 minuta dhe mbrojtja e të akuzuarve 12 orë.
