Policia e Kosovës (PK) njofton se një shtetas i huaj është dërguar pa shenja jete në Qendrën Kryesore të Mjekësisë Familjare (QKMF) në Shtime.
Lajmi u bë i ditur përmes raportit 24 orësh të Policisë, ku thuhet se rasti ka ndodhur të shtunën, rreth orës 12:40, ndërsa rasti është iniciuar si “Hetim i vdekjes”.
“Në QKMF Shtime është sjellë pa shenja jete një mashkull shqiptar shtetas i huaj. Viktima ka qenë rezident i Qendrës Integruese dhe Rehabilituese. Në vendin e ngjarjes përveç njësive policore ka dalë edhe prokurori kujdestar”, thuhet në njoftim.
Bëhet e ditur se trupi i pajetë i viktimës me urdhër të prokurorit është dërguar në Institutin e Mjekësisë Ligjore për obduksion.
