Kombëtarja e Kosovës në basketboll, të mërkurën mbrëma do të përballet me Zvicrën, ndeshje kjo që luhet në “Seazi Surroi” në Prizren në kuadër të kualifikimeve për në Kampionatin Evropian të basketbollit.
Federata e Basketbollit e Kosovës, përmes një njoftimi, ka konfirmuar se tashmë kanë dalë në shitje biletat për duelin Kosova-Zvicra.
Çmimi i tyre është 3 euro dhe Sekretarja e Federatës së Basketbollit, Elvira Dushku bëri të ditur se nuk do të ketë bileta VIP.
“Biletat dalin në shitje. Çmimi 3 euro. Basketbollistët e Kosovës kanë nevojë për përkrahje nga tifozët”, thuhet në njoftimin e FBK-së
