Administrata Tatimore e Kosoës (ATK), ka njoftuar se të hyrat për vitin 2023 kanë shënuar rritje për 78.9 milionë euro, në krahasim me vitin 2022.
Përmes një njoftimi ATK-ja tregon se gjatë periudhës janar-korrik 2023 janë grumbulluar 514.8 milionë euro nga tatim paguesit.
“Në periudhën janar – korrik/2023, të hyrat e grumbulluara janë 514.8 milionë euro, nëse i krahasojmë me periudhën e njëjtë të vitit 2022, kemi rritje mbi 78.9 milionë euro më shumë apo 18.1%”, thuhet në njoftimin e ATK-së.
Në njoftim thuhet se mjedisi ku ATK vepron është mjedis kompleks dhe mjedis që vazhdimisht pëson ndryshime.
“Mjedisi në të cilin ATK vepron është kompleks dhe vazhdimisht pëson ndryshime, andaj kjo e detyron Administratën Tatimore që të reagojë paanshëm në përputhshmëri me legjislacionin në fuqi”, thuhet në njoftim.
Gjithashtu ATK, përmes këtij u bënë thirrje të gjithëve të paguajnë tatimet me moton “Paguani tatimet ndërtojeni vendin tuaj!”.
