Një sirian 31-vjeçar, të cilit i ishte aprovuar statusi i refugjatit në Suedi në prill, është arrestuar si i dyshuar për sulmin me thikë në Francë, ku u lënduan gjashtë persona, prej tyre katër fëmijë, raporton BBC.
Siriani i krishterë, është baba i një fëmije trevjeçar.
Raportohet se tre persona janë në gjendje kritike, përfshirë dy fëmijë.
Mësohet se i dyshuari fillimisht kishte sulmuar me thikë fëmijët, para se të shkonte në drejtim të moshuarve.
Ai u qëllua në këmbë nga policia dhe u arrestua.
Policia ka treguar se ai kishte kërkuar status refugjati në Francë. Sulmi është duke u lidhur me terrorizëm.