Ministri i Punëve të Brendshme, Xhelal Sveçla ka thënë se është arrestuar personi i cili e ka kërcënuar nënkryetaren e Komunës së Leposaviqit, Dragana Miletiq.
Ai përmes një postimi në Facebook ka shkruar se të dielën i njëjti është ndaluar për kontrabandë me mallra, të hënën i është konfiskuar vetura e cila ishte në kërkim ndërkombëtar dhe sot është arrestuar për kërcënim.
“Krimi dhe kërcënimi nuk kalojnë. Pardje është ndaluar kontrabanda me mallra, dje është konfiskuar vetura në kërkim ndërkombëtar, sot është arrestuar personi që ka kërcënuar nënkryetaren e Komunës së Leposaviqit, znj. Dragana Miletiq. Të gjitha këto në veri të vendit. Koha e pandëshkueshmërisë ka marrë fund”, ka thënë ai.
