Pjesëtarët e Policisë së Kosovës kanë arritur të martën të arrestojnë një person, i cili kërkohej për vjedhje të pyjeve.
Policët e stacionit në Shtime nga Drejtoria Rajonale e Policisë në Ferizaj, sot rreth orës 09:20 në rrugën ” Tahir Sinani” në Shtime, kanë arrestuar personin e kërkuar me inicialet N.H (M/K), i moshës 32 vjeçar.
Ai ishte i kërkuar në bazë të urdhërarrestit së Gjykatës Themelore në Ferizaj për veprën penale ‘’ Vjedhje e pyjeve ’’ me dënim burgimi prej katër (4) muajve.
“I njëjti është shoqëruar në stacionin policor në Shtime dhe pas kompletimit të dokumentacionit është dërguar në vuajtje të dënimit”, njofton Policia.
Drejtoria Rajonale e Policisë në Ferizaj, thekson se do të vazhdojë me realizimin e urdhëresave të gjykatës edhe ndaj personave të tjerë që ende nuk iu kanë përgjigjur thirrjes së gjykatës./KosovaNews/
