Kryetari i Lidhjes Demokratike të Kosovës, Lumir Abdixhiku, njoftoi se do të thërrasë kuvendin e partisë, për të diskutuar për hapat e ardhshëm që do të ndërmarrë, lidhur me rezultatin zgjedhor.
Ai tha se ky është një moment i thellë i reflektimit, duke shtuar se kur qytetarët flasin, ata i dëgjojnë.
Abdixhiku mori përgjegjësi të plotë për rezultatin e zgjedhjeve, por nuk dha dorëheqje nga posti i kryetarit.
“Ky është një moment i reflektimit të thellë. Kur qytetarit flasin, ne duhet ta dëgjojmë”, u shpreh ai.
