Zyra e Bashkimit Evropian në Kosovë, ka njoftuar se Viola von Cramon-Taubadel, raportuese për Kosovën në Parlamentin Evropian për Kosovën, do të vizitojë Kosovën, me ç’rast do të mbajë edhe një konferencë për media.
Cramon sipas njoftimit do pritet të vjen në Kosovës të hënën e ardhshme.
“Pas vizitës së saj në Kosovë dhe një sërë takimesh të nivelit të lartë, znj. Viola von Cramon-Taubadel, raportuese për Kosovën në Parlamentin Evropian për Kosovën, do të mbajë konferencë për shtyp të hënën e ardhshme. Raportuesja e Parlamentit Evropian do të paraqesë pikëpamjet e saj për situatën aktuale, posaçërisht në lidhje me procesin e liberalizimit të vizave dhe diskutimet e fundit për këtë në Këshillin e BE-së, si dhe gjendjen në procesin e dialogut Kosovë-Serbi”, thuhet në njoftimin për media të Zyrës së Bashkimit Evropian në Kosovë, raporton KosovaNews.
Bëhet me dije se në konferencë për media, ajo do të flas rreth situatës në Ballkanin Perëndimor dhe implikimeve të luftës në Ukrainë në aspektin e sigurisë.
