Policia e Kosovës ka njoftuar se një vozitësi, i cili duke drejtuar automjetin e tij ka tejkaluar në vijë të plotë me të cilat veprime ka rrezikuar pjesëmarrësit e tjerë në komunikacion, i është marrë patentë shoferin për tre muaj dhe i është shqiptuar një gjobë prej 150 euro.
Sipas një njoftimi nga Drejtoria Rajonale në Gjilan, thuhet se deri te shqiptimi i kësaj gjobe erdhi falë bashkëpunimit me qytetarë të cilët në e-mail adresën zyrtare të Policisë së Kosovës kanë dërguar një foto.
“Qyteterët kanë dërguar fotografi në të cilën shihet se një vozitës duke drejtuar automjetin e tij ka tejkaluar në vijë të plotë me të cilat veprime ka rrezikuar pjesëmarrësit e tjerë në komunikacion dhe ka rënë ndeshë me rregullat e trafikut. Njësiti Rajonal i Komunikacionit Rrugor Gjilan përmes veprimeve operative ka arritur që të identifikoj kundërvajtësin ndaj të cilit ka shqiptuar gjoba në vlerë prej njëqind e pesëdhjetë (150) euro-ve, dy (2) pikë negative, konfiskuar patentë shoferin dhe masa e përkohshëme e ndalim vozitjes në afat prej tre (3) muaj”, thuhet në njoftim.
Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion, të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 03850807001.
Policia jep siguri se të dhënat e juaja do të ruhen ne konfidencialitet të plotë./KosovaNews/
