Kandidati për deputet nga Vetëvendosje, Ilir Kërçeli, ka publikuar një postim nga aktivitetet e sotme në Prishtinë, ku pas vizitës në kompaninë Fresha, ka zhvilluar një takim të përzemërt me kryeministrin Albin Kurti dhe ministren Artane Rizvanolli.
Në postimin e tij, Kërçeli ka bërë të ditur se më pas kanë pirë kafen e mëngjesit te një nga gastronomët më të vjetër të kryeqytetit, Veton Zuka.
“Pas vizitës në kompaninë Fresha, një kafe e mëngjesit me kryeministrin Kurti dhe ministren Rizvanolli te njëri nga gastronomët më të vjetër të kryeqytetit, Veton Zuka”, ka shkruar Kërçeli.
Postimi është shoqëruar edhe me fotografi nga takimi, duke reflektuar atmosferën miqësore dhe mbështetjen për bizneset vendore e sektorin e gastronomisë në kryeqytet.
