Zëvendësministri i Shëndetësisë, Arsim Berisha, ka njoftuar se për herë të parë specializantet lehona do të përfitojnë pagesë edhe gjatë muajve shtesë të specializimit.
Përmes një postimi publik, Berisha tha se lehonia nuk do të jetë më pengesë për avancimin profesional të mjekeve specializante.
“Për herë të parë: pagesë për specializantet lehona edhe gjatë muajve shtesë të specializimit. Lehonia nuk do të jetë më pengesë për avancimin profesional”, ka shkruar ai.
Ai gjithashtu ka shprehur mirënjohje për të gjithë profesionistët shëndetësorë me rastin e 1 Majit – Ditës Ndërkombëtare të Punëtorëve.
