Kuvendi i Kosovës për e ka miratuar në lexim të parë Projektligjin për vendosjen e çmimeve tavan, me 63 vota për, ndërsa opozita ka votuar kundër.
Kundër këtij projektligji kanë votuar deputetët e Partisë Demokratike të Kosovës dhe të Aleancës për Ardhmërinë e Kosovës, të cilët e kanë kundërshtuar nismën duke e cilësuar si të dëmshme për tregun e lirë dhe konkurrencën.
Ndërkohë, Lidhja Demokratike e Kosovës nuk ka marrë pjesë në votim.
Projektligji synon të vendosë kufizime të përkohshme për çmimet e disa produkteve bazë, në përpjekje për të mbrojtur konsumatorët nga rritja e çmimeve. Megjithatë, ai ka nxitur debat të ashpër mes pozitës dhe opozitës lidhur me efektet që mund të ketë në ekonomi.
