Njësiti i Hetimeve i stacionit policor në Ferizaj ka identifikuar një person që kishte publikuar në rrjete sociale një video ku dyshohej se shtinte me armë zjarri.
Bëhet fjalë për T. I., 31 vjeç, i cili më pas ka dorëzuar armën e dyshuar. Sipas njoftimit të policisë, ai është intervistuar në prani të avokatit mbrojtës dhe, me urdhër të prokurorit, është liruar në procedurë të rregullt.
Policia ka bërë të ditur se është iniciuar rast për veprat penale “Mbajtje në pronësi, kontroll ose posedim i paautorizuar i armëve” dhe “Përdorim i armës apo mjetit të rrezikshëm”.
