Ish-kryetari i Kuvendit të Kosovës dhe njëherësh nënkryetar i Lëvizjes VETËVENDOSJE!, Glauk Konjufca, ka qëndruar sot në Viti, ku është pritur nga Arsim Ademi dhe bashkëpunëtorë të tjerë të Lëvizjes.
Gjatë vizitës, Konjufca, Ademi dhe Fahrush Rexhepi kanë vizituar fshatin Stubëll, ku janë takuar me banorët e këtij lokaliteti dhe kanë prezantuar disa nga pikat kryesore të programit qeverisës të Lëvizjes VETËVENDOSJE!, me fokus në zhvillim, siguri dhe mirëqenie për qytetarët.
Më pas, në Pozheran, ata janë ndalur për një kafe me bashkatdhetarët nga mërgata, të cilët u vlerësuan lart për kontributin e vazhdueshëm dhe të parezervë në të mirë të Republikës së Kosovës.
Përfaqësuesit e VV-së theksuan se komunikimi i drejtpërdrejtë me qytetarët dhe mërgatën mbetet thelbësor për ndërtimin e politikave që garantojnë siguri dhe begati për vendin.
116✅ LVV
31✅ Arsim Ademi
65✅ Fahrush Rexhepi
#SiguriDheBegati
#MosLëshoPe
