Gazetari kroat Domagoj Margetić ka njoftuar se ka dorëzuar në Prokurorinë e Milanos një dosje me prova që, sipas tij, e lidhin presidentin serb Aleksandar Vuçiq me të ashtuquajturat “safari të njerëzve” gjatë luftës në Sarajevë.
Margetiç thekson se ka dorëzuar të gjithë materialin provues që disponon: video-incizime, fotografi, audio-dokumente, dokumente arkivore dhe artikuj të kohës së luftës. Ai thotë se dosja përmban të gjitha të dhënat e sakta që, sipas dokumentacionit, e vendosin Vuçiqin në kohën dhe vendin e kryerjes së krimeve në Sarajevën e viteve ‘90, transmeton KosovaNews.
Sipas tij, të gjitha faktet janë të mbledhura në një dosje të vetme dhe tregojnë qartë se Vuçiq ka qenë “në kohën dhe vendin e krimeve” në Sarajevë.
Rasti lidhet me hetimet që po zhvillohen në Itali mbi fenomenin e njohur si “Sarajevo Safari”, ku persona të pasur dyshohet se kanë paguar gjatë luftës për të qëlluar me snajper ndaj civilëve në qytetin e rrethuar.
Ai po ashtu ka njoftuar se dosja e tij është dorëzuar në versionin origjinal dhe kërkon që prokuroria italiane ta hetojë plotësisht këtë çështje.
Çfarë janë “safarit e njerëzve”?
Rasti lidhet me skandalin e zbuluar vitet e fundit, ku hetimet ndërkombëtare po trajtojnë fenomenin makabër të të ashtuquajturave “safari” — tura të paguara gjatë luftës, ku individë të pasur vinin në Bosnje për të qëlluar me snajper ndaj civilëve në Sarajevë. Prokuroria e Milanos aktualisht e ka hapur një dosje për këtë çështje dhe po mbledh prova nga disa vende europiane.
Raportimet e mediave ndërkombëtare flasin për pagesa që shkonin deri në 80–100 mijë euro për të marrë pjesë në këto akte kriminale./KosovaNews/
İ
İ
