Zëvendëskryeministri i parë në detyrë për Integrim Evropian, Zhvillim dhe Dialog i Kosovës, Besnik Bislimi, mbrëmë udhëtoi drejt Berlinit, ku pati një darkë pune me ambasadorë të disa prej shteteve aleate dhe mike dhe përfaqësues të Qeverisë Gjermane.
Sipas njoftimit nga Kryeministria, në kuadër të kësaj darke pune të organizuar nga ambasada e Republikës së Kosovës në Gjermani, u bisedua mbi progresin e vendit gjatë viteve të fundit, rrugën drejt integrimit evropian, zhvillimin ekonomik dhe procesin e dialogut.
“Bislimi i informoi për progresin ekonomik dhe rritjen konstante prej mesatarisht 6%, që Kosova e ka pasur gjatë këtij mandati qeveritar, për avancimin në sundim të ligjit, zbatimin e reformave në kuadër të agjendës së reformave evropiane, si dhe për përmirësimin në rankime ndërkombëtare, të cilat e reflektojnë këtë progress”, thuhet në njoftim.
Para vizitës në Berlin, Bislimi ka qëndruar për vizitë në Danimarkë.
