Sot, në fshatin Bukosh të Komunës së Suharekës, ka startuar edicioni i radhës i turnirit Tradicional të Volejbollit “Genc Zyba”, një ngjarje sportive që tashmë ka zënë vend të rëndësishëm në kalendarin sportiv të Kosovës. Sivjet po marrin pjesë gjithsej 22 ekipe nga tërë Kosova, 16 të meshkujve dhe 6 të femrave.
Ky turnir organizohet çdo vit në kujtim të vlejbollistit të ndjerë Genc Zyba dhe ka për qëllim të promovojë sportin, jetën e shëndetshme dhe vlerat e respektin dhe bashkëpunimit ndërmjet ekipeve dhe tifozëve.
Fakti se në turne po marrin pjesë ekipe nga mbarë Kosova, pritet garë e fortë dhe atmosferë festive në fushën e sportit të shkollës fillore “Vëllezërit Frashëri” në Bukosh.
Turniri do të zgjasë 3 ditë, deri më 22 korrik, prandaj organizatorët ftojnë të gjithë sportdashësit, qytetarët dhe përfaqësuesit e mediave që të jenë pjesë e këtij eventi që tejkalon kufijtë sportivë dhe shndërrohet në një festë të komunitetit.
Për më shumë informata dhe bashkëpunim medial, organizatorët janë të qasshëm përmes faqes zyrtare në Facebook: KV “Genc Zyba.
