Universiteti i Prishtinës këtë vit organizon edicionin e 24-të të Universitetit Ndërkombëtar Veror të Prishtinës (PISU), ku do të marrin pjesë profesorë dhe studentë nga vende të ndryshme të botës, së bashku me ata lokalë.
Programi dyjavor i PISU-së, që do të zhvillohet nga 7 deri më 18 korrik 2025, përfshin ligjërata akademike, panele diskutimi dhe aktivitete të ndryshme kulturore, thuhet në njoftimin e UP-së.
Hapja zyrtare e Universitetit Ndërkombëtar Veror të Prishtinës (PISU) bëhet nesër ( e hënë) ora 17:00 në Amfiteatrin e Fakultetit të Edukimit të Universitetit të Prishtinës.
