Kryetari i Komunës së Prishtinës, Përparim Rama, ka kritikuar ashpër ministrin në detyrë të Kulturës, Hajrulla Çeku, i cili tashmë është zyrtarizuar si kandidat i Lëvizjes Vetëvendosje për të parin e kryeqytetit në zgjedhjet lokale të ardhshme.
Në një intervistë për emisionin “Frontal” në televizionin T7, Rama e quajti Çekun një “bllokues total”, duke e akuzuar për pengesa të vazhdueshme ndaj komunës që ai drejton.
“Ja që na doli kandidat. Një person të cilit jam mundu t’i ndihmojë, për çkado që ka pasë kërkesë Ministria e Kulturës ndaj Komunës së Prishtinës, ne kemi hapë rrugë. Mirëpo kurdo që ata është dashtë që t’i ndihmojnë Komunës, kanë blloku, në secilën pikë”, deklaroi Rama.
Sipas tij, kandidatura e Çekut nuk gëzon mbështetje as brenda strukturave lokale të Vetëvendosjes në Prishtinë.
“Është i imponuar nga vetë kryeministri”, tha Rama, duke aluduar në ndërhyrje direkte të Albin Kurtit në këtë vendim.
Rama shtoi se shumë projekte të rëndësishme për qendrën e qytetit janë aktualisht të bllokuara dhe për këtë, ai fajëson pikërisht ministrin Çeku
