Ushtarë amerikanë të caktuar në Komandën Rajonale Lindje të misionit të udhëhequr nga NATO në Kosovë (KFOR) kanë realizuar një stërvitje tre-ditore në bashkëpunim me Asociacionin e Kërkim-Shpëtimit të Kosovës.
Kjo stërvitje synon të forcojë partneritetin me elementët e reagimit emergjent në Kosovë, të cilët janë thelbësorë për suksesin e përgjithshëm të misionit të KFOR-it.
Bashkëpunime të tilla kanë ndikim afatgjatë në mbështetjen e të gjitha komuniteteve që jetojnë në Kosovë.
“KFOR vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së – për të kontribuar në një mjedis të sigurt dhe të qetë për të gjithë qytetarët në Kosovë, si dhe për lirinë e lëvizjes, në çdo kohë dhe në mënyrë të paanshme”, thuhet në njoftim.
