Një aksident trafiku ka ndodhur rreth orës 19:20, mes dy automjeteve në Rufc të Lipjanit.
Zëdhënësja e Policisë së Kosovës për rajonin e Prishtinës, Flora Ahmeti ,ka deklaruar se nga ky aksident kanë mbetur të lënduar shtatë persona.
“Sot rreth orës 19:20 kemi pranuar informatën se në fshatin Rufc të Lipjanit, ka ndodhur një aksident trafiku. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar 7 persona”, ka thënë Ahmeti.
Me rastin po merret njësiti i trafikut rrugor.
